ಕಳಸ ಪ್ರಥಮ ದರ್ಜೆ ಕಾಲೇಜಿನಲ್ಲಿ ರೋಟರಾಕ್ಟ್ ಕಾರ್ಯಾರಂಭ

ಕಳಸ:ಇಲ್ಲಿನ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಕಳಸ ರೋಟರಿ ಸಂಸ್ಥೆಯ ಸಹಭಾಗಿತ್ವದಲ್ಲಿ ರೋಟರಾಕ್ಟ್ ಕ್ಲಬ್ ಕಾರ್ಯಾರಂಭಿಸಿದೆ.

ರೋಟರಿ ಜೋನಲ್ ಅಸಿಸ್ಟಂಟ್ ಗವರ್ನರ್ ರಾಜಗೋಪಾಲ ಜೋಷಿ ನೂತನ ಪದಾಧಿಕಾರಿಗಳಿಗೆ ಪ್ರಮಾಣವಚನ ಬೋಧಿಸಿದರು.ಇಂಚರ ಅಧ್ಯಕ್ಷೆಯಾಗಿ, ಆಕಾಶ್ ಶೆಟ್ಟಿ ಕಾರ್ಯದರ್ಶಿಯಾಗಿ, ಶ್ರೇಯಸ್ ಮುಂದಿನ ಸಾಲಿನ ಅಧ್ಯಕ್ಷರಾಗಿ ಆಯ್ಕೆಯಾದರು.

ಅನ್ವಿತಾ, ಸಂಜನಾ, ಸುಜಯ್, ಶಬರೀಶ್, ಕೃತ್ತಿಕಾ, ದೀಕ್ಷಿತಾ, ಅಂಜಲಿ, ಸಾನ್ವಿ ಮತ್ತು ಆದರ್ಶ ಪದಾಧಿüಕಾರಿಗಳಾಗಿ ಆಯ್ಕೆಯಾದರು. ಕಾಲೇಜು ಅಭಿವೃದ್ಧಿ ಸಮಿತಿ ಕಾರ್ಯಾಧ್ಯಕ್ಷ ರಾಜೇಂದ್ರ ಪ್ರಸಾದ್ ಮಾತನಾಡಿ, ವಿದ್ಯಾರ್ಥಿಗಳಲ್ಲಿ ಸೇವಾ ಮನೋಭಾವ ಬೆಳೆಸಲು ರೋಟರಾಕ್ಟ್ ಸಂಸ್ಥೆ ಕೆಲಸ ಮಾಡಲಿ ಎಂದು ಆಶಿಸಿದರು.

ರೋಟರಾಕ್ಟ್ ಜೋನಲ್ ಸಂಯೋಜಕ ರವಿ, ರೋಟರಿ ಕಳಸ ಸಂಸ್ಥೆ ಅಧ್ಯಕ್ಷ ಮಹೇಂದ್ರ, ಕಾರ್ಯದರ್ಶಿ ವಿಶಾಲ್, ಪ್ರಾಂಶುಪಾಲ ವಿನಯ್ ಕುಮಾರ್, ಪ್ರಾಧ್ಯಾಪಕರಾದ ವಿಶು ಕುಮಾರ್, ದಿನೇಶ್, ಕಾಂತಿ ಪೈ, ಸುನಿಲ್ ಭಾಗವಹಿಸಿದ್ದರು.