ravi kelangadi 
ಕಳಸ:ಇಲ್ಲಿನ ಜೆಇಎಂ ಮತ್ತು ಪ್ರಬೋಧಿನಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ಚಿನ್ನಿಗಾದಲ್ಲಿ ನಡೆದ ತಾಲ್ಲೂಕು ಮಟ್ಟದ ಪ್ರತಿಭಾ ಕಾರಂಜಿಯ ಕೆಲ ಸ್ಪರ್ಧೆಗಳಲ್ಲಿ ಅಗ್ರಸ್ಥಾನ ಗಳಿಸಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಆಗಿದ್ದಾರೆ.
ಕವ್ವಾಲಿ ಸ್ಫರ್ಧೆಯಲ್ಲಿ ಜೆಇಎಂ ಶಾಲೆಯ ಸಾನ್ವಿ ಕೆಳಂಗಡಿ, ಶರ್ವಾಣಿ, ದ್ರವ್ಯ, ಶ್ರೇಯಾ, ರಕ್ಷಾ, ಹನಿಶ್ರೀ ಪ್ರಥಮ ಸ್ಥಾನ ಗಳಿಸಿದ್ದಾರೆ. ತಮಿಳು ಭಾಷಣ ಸ್ಪರ್ಧೆಯಲ್ಲಿ ಆರ್.ಶ್ರೀ ಹಾಗೂ ಉರ್ದು ಭಾಷಣದಲ್ಲಿ ಮೊಹಮ್ಮದ್ ರಯಾನ್ ಅಗ್ರಸ್ಥಾನ ಗಳಿಸಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಆಗಿದ್ದಾರೆ.
ಪ್ರಬೋಧಿನಿ ವಿದ್ಯಾ ಕೇಂದ್ರದ ಅನಿರುದ್ಧ ಶರ್ಮಾ ಮತ್ತು ಶ್ರೀನಿವಾಸ ರಸಪ್ರಶ್ನೆಯಲ್ಲಿ ಪ್ರಥಮ ಸ್ಥಾನ, ಕನ್ನಡ ಭಾಷಣದಲ್ಲಿ ಸಾಕ್ಷಿ, ಕವನ ವಾಚನದಲ್ಲಿ ಅಪೇಕ್ಷ, ರಂಗೋಲಿಯಲ್ಲಿ ಆಶ್ರಿತ ರೈ, ಸಂಸ್ಕ್ರತ ಭಾಷಣದಲ್ಲಿ ಸನತ್ ಕುಮಾರ್, ಧಾರ್ಮಿಕ ಪಠಣದಲ್ಲಿ ಅನಘ ಅಗ್ರಸ್ಥಾನ ಪಡೆದು ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಆಗಿದ್ದಾರೆ. ಶಾಲೆಯ ಭರತನಾಟ್ಯ ತಂಡ ಕೂಡ ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಆಗಿದೆ.
