ravi kelangadi 
ಕಳಸ:ಹೆಬ್ಬೊಳೆ ಸೇತುವೆ ನಿರ್ಮಾಣವಾದ ನಂತರ ಸಂಪರ್ಕ ಕಡಿದುಕೊಂಡು ಕಂಗಾಲಾಗಿದ್ದ ಅನೇಕ ಕುಟುಂಬಗಳ ನಿವಾಸಿಗಳಿಗೆ ಶನಿವಾರ ಸಮಾಧಾನ ಆಯಿತು. ಕಳಸ-ಹೊರನಾಡು ರಸ್ತೆಯ ಹೆಬ್ಬೊಳೆಯ ನೂತನ ಸೇತುವೆ ಪಕ್ಕದಲ್ಲೇ ಕಿರುಸೇತುವೆ ನಿರ್ಮಾಣಕ್ಕೆ ಶನಿವಾರ ಗುದ್ದಲಿಪೂಜೆ ನೆರವೇರಿಸಲಾಯಿತು.
ಹೆಬ್ಬೊಳೆ ಸೇತುವೆ ನಿರ್ಮಾಣವಾದ ನಂತರ ಹಳೆ ಸೇತುವೆ ಪಕ್ಕದ ಅನೇಕ ಮನೆಗಳಿಗೆ, ಕೃಷಿ ಜಮೀನಿಗೆ ಸಂಪರ್ಕ ರಸ್ತೆ ಇಲ್ಲದಂತಾಗಿತ್ತು. ಈ ಬಗ್ಗೆ ಸ್ಥಳೀಯರು ತಕರಾರು ಎತ್ತಿದ್ದರು. ಈ ಬಗ್ಗೆ ಶಾಸಕಿ ನಯನಾ ಮೋಟಮ್ಮ ಅವರ ಗಮನ ಸೆಳೆದ ನಂತರ ವಿಶೇಷ ಅನುದಾನದಲ್ಲಿ 50 ಲಕ್ಷ ರೂಪಾಯಿ ಮಂಜೂರು ಮಾಡಿದ್ದರು.
ಕಾಂಗ್ರೆಸ್ ಮುಖಂಡರಾದ ಶ್ರೇಣಿಕ, ಹಿತ್ತಲಮಕ್ಕಿ ರಾಜೇಂದ್ರ, ಶುಕೂರ್, ಯುವ ಕಾಂಗ್ರೆಸ್ ಅಧ್ಯಕ್ಷ ರಾಮದೇವ್, ರಫೀಕ್, ವೀರೇಂದ್ರ, ವಿಶ್ವನಾಥ್, ಪ್ರೇಮಾ ಭಾಗವಹಿಸಿದ್ದರು.
About Author
