ravi kelangadi 
ಕಳಸ:ಇಲ್ಲಿನ ಕಳಸ ಕೃಷಿ ಮತ್ತು ಪತ್ತಿನ ಸಹಕಾರ ಸಂಘವು ಕಚಗಾನೆಯಲ್ಲಿ 2 ಟನ್ ಸಾಮಥ್ರ್ಯದ ಡ್ರೈಯರ್ ಅಳವಡಿಸಿದೆ.ಇದು ಬೆಳೆಗಾರರಿಗೆ ವರದಾನ ಆಗುವ ಎಲ್ಲ ಲಕ್ಷಣ ಇದೆ.
28.32 ಲಕ್ಷ ರೂಪಾಯಿ ವೆಚ್ಚದ ಈ ಘಟಕವನ್ನು ಮಂಗಳವಾರ ಅಳವಡಿಸಲಾಗಿದೆ.ಇದು ದಿನಕ್ಕೆ 2 ಟನ್ ಅಡಿಕೆಯನ್ನು ಒಣಗಿಸುವ ಸಾಮಥ್ರ್ಯ ಹೊಂದಿದೆ. ವಿದ್ಯುತ್ ಬಳಕೆ ಮಾಡಿಕೊಂಡು ಬಿಸಿ ಗಾಳಿ ಮೂಲಕ ಈ ಘಟಕವು ಬೇಯಸಿದ ಅಡಿಕೆಯನ್ನು 24 ಗಂಟೆಯಲ್ಲೇ ಒಣಗಿಸಲಿದೆ ಎಂದು ಸಂಘದ ಕಾರ್ಯನಿರ್ವಹಣಾಧಿಕಾರಿ ಮಹಬಲೇಶ್ವರ ತಿಳಿಸಿದ್ದಾರೆ.
ಮಳೆಗಾಲದ ಅಂತ್ಯದಲ್ಲಿ ಅಕ್ಟೋಬರ್ ತಿಂಗಳಲ್ಲಿ ಮೋಡದ ವಾತಾವರಣ ಇದ್ದಾಗ ಅಡಿಕೆ ಸಂಸ್ಕರಣೆ ಮಾಡಲು ತೊಂದರೆ ಆಗುತ್ತಿತ್ತು. ಬೆಳೆಗಾರರಿಗೆ ನಷ್ಟವೂ ಆಗುತ್ತಿತ್ತು. ಈ ಡ್ರೈಯರ್ ಬಳಸಿ ಸಕಾಲದಲ್ಲಿ ಅಡಿಕೆ ಒಣಗಿಸಿ ಬೆಳೆಗಾರರಿಗೆ ಅನುಕೂಲ ಕಲ್ಪಿಸಲಾಗುತ್ತದೆ. ಅಡಿಕೆ ಸುಲಿಯುವ, ಸಂಸ್ಕರಣೆ ಮಾಡುವ ಮತ್ತು ಬೇಯಿಸುವ ಘಟಕ ಈಗಾಗಲೇ ಕಚಗಾನೆಯಲ್ಲಿ ಕಾರ್ಯನಿರ್ವಹಿಸುತ್ತಿದೆ.ಇದಕ್ಕೆ ಪೂರಕವಾಗಿ ಡ್ರೈಯರ್ ಕೂಡ ಅಳವಡಿಸಿರುವುದು ಬೆಳೆಗಾರರಿಗೆ ವರದಾನ ಆಗಲಿದೆ ಎಂಬುದು ಸಂಘದ ಅಧ್ಯಕ್ಷ ಮಂಜಪ್ಪಯ್ಯ ಅಭಿಪ್ರಾಯ.
About Author
